top of page
網上課程學生態度改變
問題: 作為未來的教育工作者, 如果要你處理青少年網絡欺凌問題，1-10分，你有多大信心處理這些問題呢?
廷仔
E-Course 前…
“…宜家唔係好識有咩方法幫到佢哋，其實信心都唔大。但如果我有一啲好有效率嘅方法，應該都可以嘅。”
E-Course 後…
“…如果係老師嘅話, 我相信到有八至九分可以處理到呢個問題既。咁畢竟都學左唔少嘅方法去應對呢啲(青少年網絡欺凌)問題 。雖然就未必可以用好短時間處理, 但至少都有方法。”
呀魚
E-Course 前…
“ 首先我冇呢方面嘅認識，(唔知)點樣去Stop佢哋先啦。二來就係我覺得係網上面欺凌一個人太易啦，即係你講一句說話，係網上世界入邊好多人都係匿名嘅。咁你好難去Stop佢一句咁輕易(講)嘅說話。係我而家呢一個階段未有信心。”
E-Course 後…
“我會比7分嘅。雖然個課程唔係話好detail, 但都令我哋可以了解更多網絡欺凌嘅知識 … 我睇完之後覺得我哋就算做一個老師都會有信心啲有自信去比學生一個堅定啲嘅信念(處理網絡欺凌)…”
SY
E-Course 前…
“…我覺得2或者3到。我認為解決網絡欺凌其實應該要由(理解) 個態度出發 - 點解會有發生呢件事, 點解會去欺凌人… 所以我覺得如果我單憑一個人淨係去接觸嗰個人嘅話我覺得係難成事。”
E-Course 後…
“…我都有6,7分嘅。因為呢個課程提供左好多方面嘅知識啦又有事例啦, 由淺入深。首先係有啲事例去講學網絡欺凌係啲乜有啲咩形式啦，跟住可能講返小朋友嘅心理 (知識)，同埋提供一啲活動去俾啲同學仔知道自己點解會陷入呢個網絡欺凌裏面，所以我覺得自己都有啲把握。”
bottom of page